മുംബൈയിലെ ട്രെയിനുകളിലെ സുരക്ഷ വര്ദ്ധിപ്പിക്കുന്നതിനായി 500 ക്യാമറകള് കൂടി സജ്ജീകരിക്കുന്നു. ജൂലൈയോടെ 500 ക്യാമറകള് ഘടിപ്പിക്കാനാണ് അധികൃതരുടെ ശ്രമം. നിലവില് 1,100 ക്യാമറകളാണ് മുംബൈയില് ട്രെയിനുകളില് ഉള്ളത്. ട്രെയിനില് വ്യാപകമാകുന്ന മോഷണം തടയുന്നതിനും, സ്ത്രീകള്ക്കും കുട്ടികള്ക്കും എതിരായ അതിക്രമങ്ങള് ഇല്ലാതാക്കി സുരക്ഷ കുറച്ചു കൂടി മെച്ചപ്പെടുത്താനാണ് കൂടുതല് ക്യാമറകള് സജ്ജീകരിക്കുന്നതെന്ന് റെയില്വേ പ്രൊട്ടക്ഷന് ഫോഴ്സ് സീനിയര് ഡിവിഷണല് സെക്യൂരിറ്റി കമ്മീഷണര് ആനന്ദ് ജാ വ്യക്തമാക്കി. 565 ക്യാമറകള് കൂടി വയ്ക്കാനാണ് ശ്രമം.