സംവാദം     സമന്വയം     സൗഹൃദം
ഒരു പെണ്ണിടം
ദേശീയം

പ്രായം വെറും സംഖ്യ ; 83-ാംവയസ്സില്‍ കാരംസില്‍ സ്വര്‍ണം നേടി മുത്തശ്ശി

വിമെന്‍ പോയിന്‍റ് ടീം

പുതുതായി എന്തെങ്കിലും ഒന്നു ചെയ്യാനോ പഠിക്കാനോ പ്രായം ഒരിക്കലും ഒരു തടസ്സമല്ലെന്ന് പറയാറുണ്ട്. ഇക്കാര്യം തെളിയിക്കുകയാണ് പൂനെയില്‍ നിന്നുള്ള വാസന്തി മാധവ് ഉത്തരകര്‍ എന്ന 83 കാരിയായ വീട്ടമ്മ. കാരംസ് കളിയിലെ തന്റെ പ്രാഗല്‍ഭ്യം കൊണ്ടാണ് ഈ മുത്തശ്ശി ഇപ്പോള്‍ ശ്രദ്ധേയയാകുന്നത്. അടുത്തിടെ പൂനെയില്‍ നടന്ന ഓള്‍-മഗര്‍പട്ട സിറ്റി കാരംസ് ടൂര്‍ണമെന്റില്‍ ഡബിള്‍സില്‍ സ്വര്‍ണവും സിംഗിള്‍സില്‍ വെങ്കലവും നേടിയാണ് മുത്തശ്ശി സോഷ്യല്‍ മീഡിയയില്‍ താരമായത്. ടൂര്‍ണമെന്റില്‍ നിന്നുള്ള മുത്തശ്ശിയുടെ വീഡിയോ ചെറുമകന്‍ അക്ഷയ് മറാത്തെയാണ് ട്വീറ്റ് ചെയ്തത്. ക്രമേണ അത് വൈറലാകുകയും ചെയ്തു. കാരംസില്‍ മാത്രമല്ല, ഡിസ്‌ക്, കബഡി, ഖോ-ഖോ തുടങ്ങിയ ഇനങ്ങളിലും മുത്തശ്ശി തന്റെ പ്രാവിണ്യം തെളിയിച്ചിട്ടുണ്ട്.

ചെറുപ്പം മുതല്‍ കായിക മേഖലയോട് താല്‍പ്പര്യം ഉണ്ടായിരുന്നതായി വാസന്തി ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തില്‍ പറഞ്ഞു. വിവാഹശേഷവും 12 വര്‍ഷത്തോളം ഡിസ്‌ക് ത്രോ കളിക്കുമായിരുന്നു. പലപ്പോളും ഭര്‍ത്താവും അവര്‍ക്ക് പിന്തുണനല്‍കി രംഗത്തുണ്ടായിരുന്നു. എന്നിരുന്നാലും, ജീവിതം എല്ലായ്പ്പോഴും ഒരുപോലെയായില്ലല്ലോ, 1978-ന് ശേഷം അവര്‍ കാരംസ് കളിക്കുന്നത് നിര്‍ത്തി.എന്നാല്‍ 43 വര്‍ഷങ്ങള്‍ക്ക് ശേഷം കൊച്ചുമക്കളുടെയും അയല്‍വാസിയുടെയും പ്രോത്സാഹനത്താല്‍ അവര്‍ വീണ്ടും കായികരംഗത്ത് തിരിച്ചെത്തി. എല്ലാ വര്‍ഷവും കാരംസ് ടൂര്‍ണമെന്റുകള്‍ സംഘടിപ്പിക്കാറുണ്ട്.എന്നാല്‍ കഴിഞ്ഞ വര്‍ഷമാണ് വാസന്തി ഇക്കാര്യം അറിയുന്നത്.പക്ഷേ ഒരു മത്സരം കളിച്ചപ്പോളാണ് പല നിയമങ്ങളും മാറിയത് മുത്തശ്ശിയ്ക്ക് മനസിലായത്. ആ മത്സരത്തില്‍ തോല്‍ക്കുകയും ചെയ്തു. പിന്നീട് മത്സരിക്കാന്‍ മടിച്ച മുത്തശ്ശിയെ അയല്‍ക്കാരും പേരക്കുട്ടിയും ചേര്‍ന്ന് പരിശീലിപ്പിച്ചു. സുഹൃത്തുക്കളോടൊപ്പം മുത്തശ്ശിയുമായി കാരംസ് കളിച്ചു. ക്രമേണ കാരംസ് ടൂര്‍ണമെന്റുകളില്‍ പങ്കെടുക്കുകയും വിജയിക്കുകയും ചെയ്തു. പ്രായമായെന്നോര്‍ത്ത് തങ്ങളുടെ സന്തോഷങ്ങളും ഇഷ്ടങ്ങളും വേണ്ടെന്നു വെയ്ക്കുന്നവര്‍ക്ക് പ്രായം വെറും
സംഖ്യമാത്രമാണെന്ന സന്ദേശമാണ് ഈ മുത്തശ്ശി നല്‍കുന്നത്. 


പിന്നോട്ട്
സ്ത്രീകള്‍ക്കുള്ള അഭയകേന്ദ്രം. മാനസികരോഗികള്‍ക്കും മദ്യപാനികള്‍ക്കും ചികിത്സ. അത്താണി, അഭയബാല, ശ്രദ്ധാഭവനം, http://www.abhaya.org/


വായിക്കേണ്ട പുസ്‌തകങ്ങള്‍


ശ്രദ്ധിക്കേണ്ട വെബ്സൈറ്റുകളും ബ്ളോഗുകളും