ട്വന്റി 20 ലോകകപ്പ് ഫൈനല് (t20 final) വേദിയില് ഗാനമാലപിക്കാന് ഓസ്ട്രേലിയന് മലയാളി ഗായികയും. ഓസ്ട്രേലിയയിലെ ലോകപ്രശസ്ത റിയാലിറ്റി ദി വോയ്സ് ഷോയിലൂടെ (The Voice show) ശ്രദ്ധ നേടിയ മലയാളി ഗായികയായ ജാനകി ഈശ്വറാണ് (Janaki easwar)ഫൈനലില് പാടാനെത്തുന്നത്. മത്സരത്തിനു മുമ്പ് ഓസ്ട്രേലിയയിലെ പ്രശസ്ത റോക്ക് ബാന്ഡായ ഐസ്ഹൗസ് വേദിയില് പരിപാടി അവതരിപ്പിക്കുന്നുണ്ട് ഇവര്ക്കൊപ്പമാണ് 13-കാരിയായ ജാനകി ഗാനമാലപിക്കുന്നത്.നവംബര് 13 ഞായറാഴ്ച മെല്ബണ് ക്രിക്കറ്റ് ഗ്രൗണ്ടിലാണ് ടി20 ലോകകപ്പ് ഫൈനല്. ജാനകി തന്നെയാണ് ഇക്കാര്യം തന്റെ ഇന്സ്റ്റഗ്രാം അക്കൗണ്ടിലൂടെ അറിയിച്ചത്.