രാജ്യദ്രോഹക്കുറ്റം ആരോപിച്ച് കേസെടുത്ത ലക്ഷദ്വീപ് സംവിധായിക ഐഷ സുല്ത്താനയ്ക്ക് പിന്തുണ അറിയിച്ച് തൊഴില് വിദ്യാഭ്യാസ മന്ത്രി വി. ശിവന്കുട്ടി. ഐഷ സുല്ത്താനയെ ഫോണില് വിളിച്ചാണ് മന്ത്രി പിന്തുണ അറിയിച്ചത്. ചാനല് ചര്ച്ചയിലെ പരാമര്ശത്തിന്റെ പേരില് ഐഷക്കെതിരെ രാജ്യദ്രോഹക്കുറ്റമാണ് ചുമത്തിയിരിക്കുന്നത്. മീഡിയ വണ് ചാനല് ചര്ച്ചയില് ദ്വീപ് അഡ്മിനിസ്ട്രേറ്റര് പ്രഫുല് കെ. പട്ടേലിനെ ജൈവായുധം (ബയോവെപ്പണ്) എന്ന് വിശേഷിപ്പിച്ച സംഭവത്തിലാണ് കേസെടുത്തിരിക്കുന്നത്.ലക്ഷദ്വീപ് ബി.ജെ.പി. പ്രസിഡന്റ് അബ്ദുല് ഖാദര് ഹാജി നല്കിയ പരാതിയിലാണ് ഐഷ സുല്ത്താനക്കെതിരെ കവരത്തി പൊലീസ് കേസെടുത്തത്. പോരാട്ടത്തില് ഐഷ തനിച്ചല്ലെന്നും മന്ത്രി പറഞ്ഞു.ധൈര്യമായി ഇരിക്കണമെന്നും എല്ലാവരും കൂടെയുണ്ടെന്നും മന്ത്രി ഐഷ സുല്ത്താനയോട് പറഞ്ഞു.ലക്ഷദ്വീപ് ജനതയ്ക്ക് പിന്തുണ പ്രഖ്യാപിച്ച് നിയമസഭ ഏകകണ്ഠമായി പ്രമേയം പാസാക്കിയിരുന്നു. കേരളം ലക്ഷദ്വീപ് ജനതയ്ക്കൊപ്പമാണ്. ലോകത്ത് ഒരു രാജ്യത്തും നടക്കാത്ത നടപടിക്രമങ്ങളാണ് നടക്കുന്നതെന്നും മന്ത്രി പറഞ്ഞു.