തുല്യവേതനം ഉറപ്പാക്കുന്ന ശമ്പള ഭേദഗതി ബിൽ ന്യൂസിലാന്റ് പാർലമെന്റ് പാസാക്കി

ലിംഗഭേദം കാരണം തൊഴിലാളികൾക്ക് കുറഞ്ഞ വേതനം ലഭിക്കുന്നില്ലെന്ന് ഉറപ്പാക്കുന്ന  തുല്യ ശമ്പള ഭേദഗതി ബിൽ ന്യൂസിലാന്റിലെ പാർലമെന്റ് ഏകകണ്ഠമായി പാസാക്കി.

1972 മുതൽ ന്യൂസിലാന്റ് നിയമത്തിൽ ഉൾപ്പെടുത്തിയിട്ടുള്ള അതേ ജോലിയ്ക്കു  പുരുഷന്മാർക്കും സ്ത്രീകൾക്കും ഒരേപോലെ ശമ്പളം ലഭിക്കുമെന്ന് ഉറപ്പുവരുത്തുന്നതാണ് തുല്യ ശമ്പള നിയമനിർമ്മാണം. ചരിത്രപരമായി കുറഞ്ഞ വേതനം ലഭിക്കുന്ന സ്ത്രീ ആധിപത്യമുള്ള വ്യവസായങ്ങളിലെ സ്ത്രീകൾക്ക് തുല്യമായ തുക ലഭിക്കുന്നുവെന്ന് ഉറപ്പാക്കുന്നതിലൂടെ ശമ്പള ഇക്വിറ്റിയിൽ ഭേദഗതി ബിൽ ശ്രദ്ധ കേന്ദ്രീകരിക്കുന്നു. 

പുതിയ ബിൽ തൊഴിലാളികൾക്ക് ശമ്പള ഇക്വിറ്റി ക്ലെയിമുകൾ സമർപ്പിക്കുന്നത് എളുപ്പമാക്കുന്നു. സ്ത്രീ ആധിപത്യമുള്ള തൊഴിലുകളിലെ സ്ത്രീകളും പുരുഷ മേധാവിത്വമുള്ള തൊഴിലുകളിൽ ഗണ്യമായ സമാന കഴിവുകളും ഉത്തരവാദിത്വവും  സേവനവും ഉള്ള പുരുഷന്മാരും തമ്മിലുള്ള ശമ്പളത്തെ താരതമ്യം ചെയ്യുന്നതിന് ഇത് വ്യക്തമായ മാർഗ്ഗനിർദ്ദേശങ്ങൾ നൽകുന്നു.1893 ൽ ആഗോളതലത്തിൽ സ്ത്രീകൾക്ക് വോട്ടവകാശം നൽകിയ ആദ്യ രാജ്യവും ഗാർഹിക പീഡനത്തിന് ഇരയായവർക്ക് അവധി നൽകിയ ലോകത്തിലെ രണ്ടാമത്തെ രാജ്യവുമാണ് ന്യൂസിലൻഡ്.