പോലീസിനെ വട്ടംകറക്കി ജസ്നയുടെ തിരോധാനം. മുണ്ടക്കയത്ത് വസ്ത്രവ്യാപാരശാലയുടെ നിരീക്ഷണക്യാമറയില്നിന്ന് ലഭിച്ച ദൃശ്യങ്ങളില് കാണുന്നത് ജെസ്നയാണോ എന്ന കാര്യത്തില് സംശയം തുടരുന്നു. ഈ ദൃശ്യം പോലീസ് പുറത്തുവിട്ടെങ്കിലും ഇത് താനാണ് എന്ന അവകാശവാദവുമായി ആരും രംഗത്തുവന്നിട്ടില്ല. ഇതാണ് പോലീസിന് പ്രതീക്ഷ പകരുന്നതും. ജസ്നയുടെ തിരോധാനം പോലെ സമീപകാലത്ത് ഒരുപക്ഷേ പോലീസിനെ ഇത്രയേറെ കുഴക്കിയ മറ്റൊരു കേസുണ്ടാവില്ല. പിതൃസഹോദരിയുടെ വീട്ടിലേക്കെന്ന് പറഞ്ഞ് ഇക്കഴിഞ്ഞ മാര്ച്ച് 22ന് പത്തനംതിട്ട കൊല്ലമുളയിലെ വീട്ടില് നിന്നും ഇറങ്ങിയ ജസ്നയെ പിന്നീടാരും കണ്ടിട്ടില്ല.