ഭോപ്പാലിലെ സഹാറിയ ആദിവാസിഗോത്ര പഞ്ചായത്തില് സ്ത്രീകളുടെ മൊബൈല് ഫോണ് ഉപയോഗം വിലക്കിക്കൊണ്ട് അധികൃതരുടെ ഉത്തരവ്. മൊബൈല് ഫോണ് സ്ത്രീകളെ വഴിതെറ്റിക്കുമെന്ന് ചൂണ്ടിക്കാട്ടിയാണ് ഉത്തരവ്. ഫോണ്വിലക്കിക്കൊണ്ട് ഉത്തരവിറക്കിയത് രാജസ്ഥാന്, മധ്യപ്രദേശ് സംസ്ഥാനങ്ങളുടെ അതിരു പങ്കിടുന്ന മധ്യപ്രദേശിലെ ഷിയോപൂര് ജില്ലയിലെ ഒച്ഛ വില്ലേജിലാണ്. മൊബൈല് ഫോണ് ഉപയോഗം സത്രീകള് പൂര്ണമായും ഉപേക്ഷിക്കണമെന്നും ഫോണ് കൈവശം വെച്ചാല് പഞ്ചായത്ത് ഫൈന് ഈടാക്കുമെന്നും ഉത്തരവില് വ്യക്തമാക്കിയിട്ടുണ്ട്.