കുമ്പസാര രഹസ്യം ലൈംഗിക കുറ്റകൃത്യവുമായി ബന്ധപ്പെട്ടതെങ്കില് പുരോഹിതര് പൊലീസിന് വിവരം കൈമാറണമെന്ന് ഓസ്ട്രേലിയയിലെ ഉന്നത അന്വേഷണ ഏജന്സിയുടെ നിര്ദേശം. ഇത് പ്രത്യേക നിയമമാക്കുമെന്ന് ഏജന്സി വൃത്തങ്ങള് അറിയിച്ചു. 2013 മുതല് കുട്ടികള്ക്കുനേരെയുള്ള ലൈംഗിക പീഡനങ്ങളെക്കുറിച്ച് ഓസ്ട്രേലിയന് റോയല് കമീഷന് പഠനം നടത്തുകയാണ്. പള്ളികള് ഈ വിഷയത്തില് എങ്ങനെ പ്രതികരിക്കുന്നുവെന്നും കമീഷന് പഠിച്ചു. കുറ്റംചെയ്തവര് കുമ്പസരിച്ചശേഷം വീണ്ടും കുറ്റംചെയ്യാന് സാധ്യതയുണ്ടെന്ന കാരണത്താലാണ് ഇത് പൊലീസില് റിപ്പോര്ട്ട് ചെയ്യണമെന്ന് നിയമം കൊണ്ടുവരുന്നത്.