സംവാദം     സമന്വയം     സൗഹൃദം
ഒരു പെണ്ണിടം
അന്തര്‍ദേശീയം

സുവെല്ല ഫെര്‍ണാണ്ടസ് കണ്‍സര്‍വേറ്റീവ് പാര്‍ട്ടിയുടെ തീവ്ര ബ്രെക്‌സിറ്റ് ഗ്രൂപ്പ് നേതാവ്‌

വിമെന്‍പോയിന്‍റ് ടീം

ബ്രിട്ടീഷ് പ്രധാനമന്ത്രി തെരേസ മേയുടെ ടോറി പാര്‍ട്ടിയിലെ തീവ്ര ബ്രെക്‌സിറ്റ് അനുകൂല വിഭാഗത്തിന്റെ അദ്ധ്യക്ഷയായി സുവെല്ല ഫെര്‍ണാണ്ടസ് തിരഞ്ഞെടുക്കപ്പെട്ടു. പ്രധാനമന്ത്രിയെ പോലും മാറ്റാന്‍ ശക്തരാണ് യൂറോപ്യന്‍ റിസര്‍ച്ച് ഗ്രൂപ്പ് (ഇആര്‍ജി) എന്ന അറിയപ്പെടുന്ന ഭരണകക്ഷിയിലെ 80 എംപിമാര്‍ അനുകൂലിക്കുന്ന ഈ വിഭാഗം. ഈ വിഭാഗത്തിന്റെ അദ്ധ്യക്ഷനായിരുന്ന സ്റ്റീവ് ബേക്കര്‍ ബ്രക്‌സിറ്റ് വകുപ്പ് മന്ത്രിയായി നിയമതിനായതിനെ തുടര്‍ന്നാണ് ഫെയര്‍ഹമില്‍ നിന്നുള്ള എംപിയായ സുവെല്ല ഫെര്‍ണാണ്ടസ് പുതിയ നേതാവായി തിരഞ്ഞെടുക്കപ്പെട്ടത്. വാട്ട്‌സ്്ആപ്പ് സന്ദേശങ്ങളിലൂടെയാണ് സംഘം തങ്ങളുടെ തന്ത്രങ്ങള്‍ രൂപീകരിക്കുന്നത്.

വിദേശകാര്യ സെക്രട്ടറി ബോറിസ് ജോണ്‍സണിന്റെ അടുത്ത ആളായാണ് സുവെല്ല അറിയപ്പെടുന്നത്. ഏകകമ്പോളം, കസ്റ്റംസ് യൂണിയന്‍, യൂറോപ്യന്‍ നീതിന്യായ കോടതിയുടെ പരിധിയില്‍ നിന്നുള്ള പിന്മാറല്‍ തുടങ്ങിയ സര്‍ക്കാരിന്റെ ഇപ്പോഴത്തെ നയങ്ങളെ സംഘം അംഗീകരിക്കുന്നുണ്ട്. കഴിഞ്ഞ ജനുവരിയില്‍ തെരേസ മേ, ലങ്കാസ്റ്റര്‍ ഹൗസില്‍ നടത്തിയ പ്രസംഗങ്ങളില്‍ ഈ നിലപാടുകള്‍ ആവര്‍ത്തിച്ചിരുന്നു. എന്നാല്‍ അതിന് ശേഷം നടന്ന തിരഞ്ഞെടുപ്പില്‍ യാഥാസ്ഥിതിക പാര്‍ട്ടിയുടെ ഭൂരിപക്ഷം കുറഞ്ഞത് ബ്രെക്‌സിറ്റ് നീക്കങ്ങളില്‍ വെള്ളം ചേര്‍ക്കുമോ എന്ന സംശയം നിലനില്‍ക്കുമ്പോഴാണ് തീവ്ര ബ്രെക്‌സിറ്റ് അനുകൂലിയായ സുവെല്ല ഫെര്‍ണാണ്ടസ് ഇആര്‍ജിയുടെ തലപ്പത്തേക്ക് വരുന്നത്.


പിന്നോട്ട്
സ്ത്രീകള്‍ക്കുള്ള അഭയകേന്ദ്രം. മാനസികരോഗികള്‍ക്കും മദ്യപാനികള്‍ക്കും ചികിത്സ. അത്താണി, അഭയബാല, ശ്രദ്ധാഭവനം, http://www.abhaya.org/


വായിക്കേണ്ട പുസ്‌തകങ്ങള്‍


ശ്രദ്ധിക്കേണ്ട വെബ്സൈറ്റുകളും ബ്ളോഗുകളും