പകര്ച്ചപ്പനികള്ക്കെതിരെ ആവശ്യമായ മുന് കരുതലുകളെടുത്തിട്ടുണ്ടെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്. ഇതിനായി കേരളത്തിലെ എല്ലാ സര്ക്കാര് ആശുപത്രികളിലും ആരോഗ്യ പ്രവര്ത്തകര്ക്കും ജാഗ്രത നിര്ദേശം നല്കിയിട്ടുണ്ടെന്നും മന്ത്രി അറിയിച്ചു. പ്രാഥമികാരോഗ്യ കേന്ദ്രങ്ങള് മുതല് മെഡിക്കല് കോളജുകള് വരെയുള്ള എല്ലാ ആശുപത്രികളിലും ചികിത്സാ സൗകര്യങ്ങള്, മരുന്നുകള്, പ്രതിരോധ ഉപകരണങ്ങള് എന്നിവയുടെ ലഭ്യത ഉറപ്പുവരുത്തിയിട്ടുണ്ട്. കാലാവസ്ഥാ വ്യതിയാനം കാരണം പകര്ച്ചപ്പനികള് വര്ധിക്കുന്നതായി ശ്രദ്ധയില്പ്പെട്ട സാഹചര്യത്തിലാണ് ആരോഗ്യ വകുപ്പ് ഇത്തരത്തിലുള്ള മുന്കരുതലുകളെടുത്തതെന്നും മന്ത്രി പറഞ്ഞു.