അമ്മായിഅമ്മയ്ക്ക് മരുമകള്ക്ക് എതിരെ ഗാര്ഹിക പീഡനക്കേസ് ഫയല് ചെയ്യാന് സാധിക്കില്ലെന്ന് സര്ക്കാര്. അമ്മയ്ക്കോ മകള്ക്കോ മകനെതിരെയോ സഹോദരനെതിരെയോ ഗാര്ഹികപീഡന നിയമപ്രകാരം കേസ് കൊടുക്കാം. അമ്മായിഅമ്മമാര്ക്ക് മരുമകള്ക്ക് എതിരെ ഈ നിയമപ്രകാരം കേസ് കൊടുക്കാനാകില്ല. ഭര്തൃസഹോദരിക്ക് നാത്തൂനെതിരെയും കേസ് കൊടുക്കാനാകില്ല– സത്യവാങ്മൂലത്തില് പറയുന്നു. 2005ലെ ഗാര്ഹികപീഡന നിയമം സ്ത്രീകള്ക്ക് വിവാഹജീവിതത്തിലും വീട്ടിലുമുണ്ടാകുന്ന പീഡനങ്ങള് നേരിടാനുള്ളതാണ്. അമ്മയ്ക്കോ സഹോദരിക്കോ വീട്ടിലെ മറ്റ് പുരുഷന്മാര്ക്കെതിരെയും ഈ നിയമപ്രകാരം കേസ്കൊടുക്കാം. നിയമത്തെക്കുറിച്ച് വിശദീകരണം നല്കാന് ജസ്റ്റിസ് രഞ്ജന്ഗൊഗോയ് അധ്യക്ഷനായ ബെഞ്ച് 2015 ഡിസംബറിലാണ് സര്ക്കാരിനോട് നിര്ദേശിച്ചത്.