സ്ത്രീകൾക്കെതിരായ അതിക്രമങ്ങൾ അടിച്ചമർത്തുന്നതിന്റെ ഭാഗമായി ആചരിക്കുന്ന രാജ്യാന്തരദിനത്തിൽ ഒപ്പുശേഖരണം നടത്തി ശ്രദ്ധേയരാകുകയാണ് 'ഹിൽ ഇന്റഗ്രേറ്റഡ് ഡെവലെപ്മെന്റ് ഫൗണ്ടേഷനിലെ' യുവസാമൂഹിക പ്രവർത്തകർ. സ്ത്രീകൾക്കെതിരായ അതിക്രമങ്ങൾ അവസാനിപ്പിക്കുക എന്ന ആശയം മുന്നോട്ടുവച്ചാണ് ഒപ്പുശേഖരണം. എറണാകുളം സൗത്ത് റെയിൽവേ സ്റ്റേഷനു സമീപത്തായിരുന്നു ഒപ്പു ശേഖരണം. രാവിലെ 9 മണിമുതൽ ഉച്ചക്ക് 1 മണിവരെ നടത്തിയ ഒപ്പ് ശേഖരണത്തിൽ നിരവധി കല-സാമൂഹിക-രാഷ്ട്രീയ രംഗത്തെ പ്രമുഖരും പൊതുജനങ്ങളും പങ്കാളികളായി. പൊതുസമൂഹത്തിന്റെ സ്ത്രീകളോടുള്ള കാഴ്ചപ്പാടും സമീപനവും മാറേണ്ടതുണ്ട്. സമത്വ സുന്ദരമായ നാളേക്ക് വേണ്ടി ഇന്നേ കൈകോർക്കാം എന്ന സന്ദേശമാണ് ഹിൽഡെഫ് നൽകുന്നത്.