'നിർദേശങ്ങൾ പോലീസ് അവഗണിക്കുന്നു, കൂടുതൽ പരാതികൾ തിരുവനന്തപുരം ജില്ലയിൽ'; പി സതീദേവി

തിരുവനന്തപുരം ജില്ലയിൽ നിന്നാണ് വനിതാ കമ്മീഷന് കൂടുതൽ പരാതികൾ ലഭിക്കുന്നത്. പരാതികൾ ഏറ്റവും കുറഞ്ഞ തോതിലുള്ളത് വയനാട്ടിൽ നിന്നാണ്. സംസ്ഥാനത്ത് സ്ത്രീധനവുമായി ബന്ധപ്പെട്ട പ്രശ്നം രൂക്ഷമാണ്. തെക്കൻ കേരളത്തിൽ മാത്രമല്ല വടക്കൻ കേരളത്തിലും സ്ത്രീധനവുമായി ബന്ധപ്പെട്ട പ്രശ്നം രൂക്ഷമാണ്. പ്രണയം പൊലും പുരുഷ മേധാവിത്വ അക്രമോത്സുകമായി മാറുകയാണെന്നാണ് സമീപകാലത്തെ ചില സംഭവങ്ങൾ കാണിക്കുന്നത്. സ്ത്രീവിരുദ്ധത യുവാക്കളിൽ അക്രമണോത്സുകമായി മാറുകയാണെന്നും വനിതാ കമ്മീഷൻ അധ്യക്ഷ പി സതീദേവി പറഞ്ഞു.

സംസ്ഥാനത്ത് സ്ത്രീവിരുദ്ധ ചിന്താഗതി വളരുകയാണ്. മാധ്യമ സ്ഥാപനങ്ങളിൽ ഉൾപ്പെടെ പ്രശ്ന പരിഹാരസെൽ കൂടുതൽ കാര്യക്ഷമകാക്കും. മാധ്യമങ്ങൾക്ക് സ്ത്രീപക്ഷ ചിന്താഗതിയും സമത്വവും സ്ത്രീ സൗഹൃദ അന്തരീക്ഷവും ഉറപ്പുവരുത്തുന്ന മാർഗരേഖയുടെ കരട് റിപ്പോർട്ട് തയ്യാറാക്കിയിട്ടുണ്ട്. ഈ റിപ്പോർട്ട് സർക്കാരിന് സമർപ്പിക്കുമെന്നും വനിതാ കമ്മീഷൻ അധ്യക്ഷ കൂട്ടിച്ചേർത്തു.

പതിനൊന്നിന് നടക്കുന്ന വനിത കമ്മീഷൻ സിറ്റിങ്ങിൽ ഹരിത പ്രശ്നം പരിശോധിക്കും. പരാതിക്കാരിൽ നിന്നും വിവരങ്ങൾ അറിഞ്ഞ ശേഷം ഉചിതമായ നടപടി സ്വീകരിക്കുമെന്നും സതീദേവി പറഞ്ഞു. വനിതാ കമ്മീഷൻ അധ്യക്ഷയായി ചുമതലയേറ്റ ശേഷം കോഴിക്കോട് പ്രസ്ക്ലബ് സംഘടിപ്പിച്ച മീറ്റ് ദ പ്രസിലാണ് അവർ ഇക്കാര്യങ്ങൾ വ്യക്തമാക്കിയത്.