ദൈവം സ്ത്രീകളെ വെറുക്കുന്നുഃ തസ്ലീമ നസ്‌റിന്‍

ദൈവം സ്ത്രീകളെ വെറുക്കുന്നു എന്ന് ബംഗ്ലാദേശി എഴുത്തുകാരി തസ്ലീമ നസ്‌റിന്‍. ട്വിറ്ററിലൂടെയാണ് തസ്ലീമ ഈ അഭിപ്രായ പ്രകടനം നടത്തിയത്.

‘ദൈവം സ്ത്രീകളെ വെറുക്കുന്നു, പ്രത്യേകിച്ച് ആര്‍ത്തവമുള്ള സ്ത്രീകളെ. ലോകത്തിലെ ഏറ്റവും സ്ത്രീവിരുദ്ധമായ ജീവികളാണ് ദൈവങ്ങള്‍.’ എന്നായിരുന്നു തസ്ലീമയുടെ ട്വീറ്റ്.

‘ചില മുസ്‌ലിം സ്ത്രീകള്‍ ആര്‍ത്തവമുള്ള സമയത്ത് പ്രാര്‍ത്ഥിക്കുകയും വ്രതം അനുഷ്ഠിക്കുകയും ചെയ്യുന്നുണ്ട്. ഞാന്‍ വിശ്വാസിയല്ലെങ്കില്‍, ആ വിശ്വാസികളുടെ ഈ തീരുമാനത്തെ അഭിനന്ദിക്കുന്നു.’ തസ്ലീമ വ്യക്തമാക്കി.

‘സ്ത്രീവിരുദ്ധമായ മതങ്ങള്‍ വേണ്ടെന്നു വെക്കുന്നതാണു നല്ലത്. എന്നാല്‍ നിങ്ങള്‍ക്ക് അങ്ങനെ ചെയ്യാന്‍ പറ്റുന്നില്ലെങ്കില്‍ മതത്തിലെ സ്ത്രീവിരുദ്ധ ആചാരങ്ങളെ നിഷേധിക്കാം.’ അവര്‍ ട്വിറ്ററിലൂടെ അഭിപ്രായപ്പെട്ടു.