സ്വയം ഹോമിക്കപ്പെടുകയും വെളിച്ചം കെടുത്തുകയും ചെയ്യുന്ന ഈയാംപാറ്റകളാകാനാണ് ചിലര് ശ്രമിക്കുന്നതെന്ന് ആരോഗ്യ വകുപ്പ് മന്ത്രി കെ കെ ശൈലജ. കൊവിഡ് പ്രതിരോധത്തിന്റെ വിലക്കുകള് ഞങ്ങള് ലംഘിക്കും എന്നുപറഞ്ഞ് ആര്ക്കെതിരെയാണ് ഇവര് ആക്രോശിക്കുന്നത്. ഇതൊരു മഹാമാരിയാണ്. കേരളത്തില് ഈ രോഗത്തിന്റെ പകര്ച്ചാനിരക്കും മരണ നിരക്കും കുറച്ച് നിര്ത്തുന്നത് ആരെങ്കിലും കാണിക്കുന്ന മാജിക് കൊണ്ടല്ലെന്നും കെ കെ ശൈലജ പറഞ്ഞു. ഫേസ്ബുക്ക് പോസ്റ്റിലായിരുന്നു മന്ത്രിയുടെ പ്രതികരണം. നേരത്തെ ചിലര് പറഞ്ഞ് പോലെ കേരളത്തിന്റെ അന്തരീഷ ഊഷ്മാവില് വൈറസ് ഉരുകി പോകില്ല. ആയിരക്കണക്കിന് മനുഷ്യരുടെ ആറു മാസമായുള്ള അശ്രാന്ത പരിശ്രമത്തിന്റെ ഫലമാണത്. ആരോഗ്യ പ്രവര്ത്തകര്, പൊലീസ് ഉദ്യോഗസ്ഥര്, സന്നദ്ധ വോളന്റിയര്മാര് തുടങ്ങിയവരുടെ ത്യാഗപൂര്ണമായ പ്രവര്ത്തനങ്ങളുടെ ഫലം. സര്ക്കാരിന്റെ ശാസ്ത്രീയമായ ആസൂത്രണത്തിന്റേയും ഇടപെടലിന്റേയും ഫലം. ലോകരാജ്യങ്ങള് കേരളത്തെ ഉറ്റുനോക്കുന്നത് മറ്റൊന്നും കൊണ്ടല്ല.