മുഖം മൂടി ഗുണ്ടാ സംഘത്തിന്റെ ആക്രമണത്തിൽ പരിക്കേറ്റ ജെഎൻയു വിദ്യാർത്ഥികൾക്ക് ഐക്യദാർഢ്യവുമായി ബോളിവുഡ് നടി ദീപിക പദുകോൺ. അക്രമത്തിൽ പരിക്കേറ്റ ജെഎൻയു പ്രസിഡന്റ് ഒയ്ഷി ഘോഷ് അടക്കമുള്ളവരെ ദീപിക സന്ദർശിച്ചു. മുൻ പ്രസിഡന്റ് കനയ്യകുമാർ അടക്കമുള്ളവർ സ്ഥലത്തുണ്ടായിരുന്നു. വിദ്യാർത്ഥികൾക്ക് ഐക്യദാർഢ്യം പ്രഖ്യാപിക്കുന്നതിനാണ് ദീപിക ജെഎൻയുവിൽ എത്തിയതെന്ന് ദീപികയുമായി അടുത്ത വൃത്തങ്ങൾ വ്യക്തമാക്കി. വൈകിട്ട് 7.30നാണ് താരം യൂണിവേഴ്സിറ്റിയിൽ എത്തിയത്. ജെഎൻയുവിലെ പരിപാടിയിൽ പതിനഞ്ച് മിനിറ്റോളം ദീപിക പങ്കെടുത്തു. പരിക്കേറ്റവരെ സന്ദർശിച്ചതിനു ശേഷമാണ് ദീപിക മടങ്ങിയത്.