ലിംഗസമത്വം ഉറപ്പുവരുത്താനുള്ള നടപടികളിൽ ഒരു ചുവടുകൂടി. സര്ക്കാര് സര്വീസിലും പൊതുമേഖലാ സ്ഥാപനങ്ങളിലും വനിതകളെ ഡ്രൈവര്മാരായി നിയമിക്കാന് മന്ത്രിസഭാ യോഗത്തിൽ തീരുമാനമായി.ഇതിനുവേണ്ടി നിലവിലുള്ള നിയമനചട്ടങ്ങളില് ഭേദഗതി വരുത്തും. നേരത്തെ സ്ത്രീകൾക്ക് പ്രാതിനിധ്യം ഇല്ലാതിരുന്ന ഫയർഫോഴ്സിൽ ഫയർ വുമൻ തസ്തിക സൃഷ്ടിക്കാൻ തീരുമാനിച്ചിരുന്നു.സർക്കാർ പൊതുമേഖലാ തലത്തിൽ സ്ത്രീകൾ ഡ്രൈവർമാരായി സേവനമനുഷ്ഠിക്കുന്നതിന് തടസങ്ങളില്ലെന്ന് വകുപ്പ് കണ്ടെത്തിയിരുന്നു.വിമാനവും,ട്രെയിനും ,ബസും എല്ലാം വനിതകൾ ഓടിക്കുന്ന കാലത്ത് സർക്കാർ വാഹനങ്ങളിൽ അവരെ മാറ്റിനിർത്തേണ്ടതില്ലന്നാണ് തീരുമാനം.