ആറ് വയസുകാരിയെ പീഡിപ്പിച്ച് കൊന്ന പ്രതിയെ പോലീസ് ഉദ്യോഗസ്ഥന് വെടിവെച്ചിട്ടു. ആറുവയസ്സുകാരിയെ അതിക്രൂരമായി പീഡിപ്പിച്ചുകൊന്ന കേസിലെ പ്രതി നാസിലിനെ പിടികൂടുന്നതിനായാണ് രാംപുര് എസ്.പി അജയ്പാല് ശര്മ വെടിവെച്ചിട്ടത്. ഉത്തര്പ്രദേശിലെ രാംപൂരില് നിന്നും ആറു വയസുള്ള ഒരു പെണ്കുട്ടിയെ ഒരു മാസത്തിനു മുന്പ് കാണാതായിരുന്നു. കഴിഞ്ഞ ദിവസമാണ് കുട്ടിയുടെ മൃതദേഹം പൊലീസ് കണ്ടെടുത്തത്. പെണ്കുട്ടിയെ പീഡിപ്പിച്ചത് പെണ്കുട്ടിയുടെ വീടിന് സമീപത്തു താമസിക്കുന്ന നാസില് എന്നയാളാണെന്ന് പൊലീസിനു വ്യക്തമായതിനെ തുടര്ന്ന് ഇയാളെ അറസ്റ്റ് ചെയ്യാന് പോലീസ് എത്തി. ഇതോടെ പ്രതി രക്ഷപ്പെടാന് ശ്രമിക്കുകയായിരുന്നു. പ്രതിയുടെ ശ്രമത്തെ തടയുന്നതിനായാണ് അജയ്പാല് ശര്മ പ്രതിയുടെ മുട്ടിന് താഴെ മൂന്ന് റൗണ്ട് വെടിയുതിര്ത്തു വീഴ്ത്തിയത്. പ്രതിയെ ആശുപത്രിയില് പ്രവേശിപ്പിച്ചിരിക്കുകയാണ്.