ഇടവേളക്ക് ശേഷം മലയാളത്തിന്റെ പ്രിയ നടി മഞ്ജു വാര്യരുടെ രണ്ടാം വരവ് ‘ഹൗ ഓള്ഡ് ആര് യു’ എന്ന റോഷൻ ആൻഡ്രൂസ് ചിത്രത്തിലൂടെ ആയിരുന്നു. ചിത്രം ഇറങ്ങി അഞ്ചു വർഷങ്ങൾ പിന്നിടുമ്പോൾ തന്റെ രണ്ടാം വരവിന്റെ ഓർമ്മ പുതുക്കുകയാണ് പ്രിയ താരം മഞ്ജു വാര്യർ. സിനിമാഭിനയ ജീവിതത്തിന്റെ രണ്ടാംപകുതിയില് ആദ്യമായി ക്യാമറയ്ക്ക് മുന്നില് നിന്ന ദിവസം ഇന്നലെപ്പോലെ ഓര്ക്കുന്നുവെന്ന് മഞ്ജു ഫേസ്ബുക്കിൽ കുറിച്ചു. സ്ത്രീകളുടെ സ്വപ്നങ്ങള്ക്ക് പരിധികള് നിശ്ചയിക്കാന് ആര്ക്കും സാധിക്കില്ലെന്ന് സിനിമ വിളിച്ചു പറയുന്നതായും . പെണ്മനസുകളുടെ മട്ടുപ്പാവില് ആത്മധൈര്യത്തിന്റെയും പ്രതീക്ഷയുടെയും വിത്തുകള് മുളപ്പിച്ചു എന്ന നിലയിലാണ് ‘ഹൗ ഓള്ഡ് ആര് യു’ തനിക്ക് പ്രിയപ്പെട്ടതാകുന്നതെന്നും മഞ്ജു വാര്യർ പറയുന്നു. മഞ്ജു വാര്യരുടെ ഫേസ്ബുക്ക് കുറിപ്പ് ഇങ്ങനെ; ‘ഹൗ ഓള്ഡ് ആര് യു’ റിലീസ് ചെയ്തിട്ട് ഇന്നേക്ക് അഞ്ചുവര്ഷം. പണ്ടത്തെ തീയറ്ററുകളിലെ റീലുകള് പോലെ വര്ഷങ്ങള് എത്രവേഗമാണ് ഓടിത്തീരുന്നത്! സിനിമാഭിനയ ജീവിതത്തിന്റെ രണ്ടാംപകുതിയില് ആദ്യമായി ക്യാമറയ്ക്ക് മുന്നില് നിന്ന ദിവസം ഇന്നലെപ്പോലെ ഓര്ക്കുന്നു. കാലമെന്ന മഹാസംവിധായകന് പ്രണാമം. വ്യക്തിപരമായ ഒരുപാട് സന്തോഷം നല്കുന്ന അനുഭവം എന്നതിനേക്കാള് പെണ്മനസുകളുടെ മട്ടുപ്പാവില് ആത്മധൈര്യത്തിന്റെയും പ്രതീക്ഷയുടെയും വിത്തുകള് മുളപ്പിച്ചു എന്ന നിലയിലാണ് ‘ഹൗ ഓള്ഡ് ആര് യു’ എനിക്ക് പ്രിയപ്പെട്ടതാകുന്നത്. സ്ത്രീകളുടെ സ്വപ്നങ്ങള്ക്ക് പരിധികള് നിശ്ചയിക്കാന് ആര്ക്കും സാധിക്കില്ലെന്ന് ആ സിനിമ ഉറക്കെ വിളിച്ചു പറഞ്ഞു. പെണ്മയുടെ വിജയവിളംബരമായിരുന്നു അത്. തോല്ക്കരുത് എന്ന് ഓരോ സ്ത്രീയുടെ കാതിലും പറഞ്ഞുകൊണ്ട് ‘ഹൗ ഓള്ഡ് ആര് യു’ ‘എത്ര വയസായി’ എന്ന ചോദ്യത്തെ നിസാരമാക്കിക്കളഞ്ഞു. സംവിധായകന് റോഷന് ആന്ഡ്രൂസ്,തിരക്കഥാകൃത്തുക്കളായ ബോബി സഞ്ജയ്,നിര്മാതാവ് ലിസ്റ്റിന് സ്റ്റീഫന് എന്നിവരെ ഈ സന്ദര്ഭത്തില് നന്ദിയോടെ ഓര്മിക്കുന്നു. ഒപ്പം പ്രവർത്തിച്ച മറ്റെല്ലാവരെയും. എല്ലാത്തിനും ഉപരിയായി ചിത്രം വലിയ വിജയമാക്കിയ, ഇപ്പോഴും എപ്പോഴും ഒപ്പം നില്കുന്ന പ്രിയപ്പെട്ട പ്രേക്ഷകര്ക്കും നന്ദി…