നെഹ്റു ഗ്രൂപ്പ് ഉടമ പികെ കൃഷ്ണദാസിനെ പിന്തുണച്ച സംഭവത്തിൽ പികെ ശശി എംഎൽഎക്കെതിരെ നടപടിയെടുക്കണമെന്നാവശ്യപ്പെട്ട് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ജിഷ്ണു പ്രണോയിയുടെ അമ്മയുടെ കത്ത്. നെഹ്റു മാനേജ്മെന്റിന് കീഴിലുള്ള വാണിയംകുളത്തെ പി കെ ദാസ് മെഡിക്കൽ കോളേജിൽ കഴിഞ്ഞ ദിവസം നടന്ന സിടി സ്കാൻ ഉദ്ഘാടന ചടങ്ങിൽ പി കെ ശശി നടത്തിയ പരാമർശങ്ങൾ ചൂണ്ടിക്കാട്ടിയാണ് കത്ത് നൽകിയിരിക്കുന്നത്. ജിഷ്ണു പ്രണോയി മരിച്ച സമയത്തുതന്നെ പികെ ശശി കൃഷ്ണദാസിനെ സഹായിക്കുന്നതായി അറിയാമായിരുന്നെന്നും പാലക്കാട്ടെ സഖാക്കൾ ഇക്കാര്യം ശ്രദ്ധയിൽപ്പെടുത്തിയിട്ടുണ്ടെന്നും ജിഷ്ണുവിന്റെ അമ്മ മഹിജ കത്തിൽ പറയുന്നു. അതേസമയം, പി കെ ശശിക്കെതിരെ നടപടി ആവശ്യപ്പെട്ട് പാമ്പാടി നെഹ്റു കോളേജിലെ എസ്എഫ്ഐ യൂണിറ്റ് കമ്മിറ്റി. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് എസ്എഫ്ഐ കത്ത് നൽകി. നെഹ്റു ഗ്രൂപ്പ് ചെയര്മാൻ പി കെ കൃഷ്ണദാസിനെ പുകഴ്ത്തി സംസാരിച്ചതിനാണ് നടപടി ആവശ്യപ്പെട്ടത്.