സംവാദം     സമന്വയം     സൗഹൃദം
ഒരു പെണ്ണിടം
കേരളം

ശബരിമല വിഷയം തിരഞ്ഞെടുപ്പില്‍ ഉപയോഗിച്ചാല്‍ നടപടിയെടുക്കുമെന്ന് ചീഫ് ഇലക്ട്രല്‍ ഓഫീസര്‍

womenpoint team

ലോക് സഭ തിരഞ്ഞെടുപ്പ് തീയതി പ്രഖ്യാപിച്ചതിന് പിന്നാലെ, പ്രചരണത്തിന് ശബരിമല വിഷയം ഉപയോഗിച്ചാല്‍ നടപടിയെടുക്കുമെന്നുള്ള മുന്നറിയിപ്പുമായി കേരള ചീഫ് ഇലക്ട്രല്‍ ഓഫീസര്‍ ടിക്കാറാം മീണ. ശബരിമല തിരഞ്ഞെടുപ്പ് വിഷയമാക്കുന്നത് ചട്ടലംഘനമാണ്. ദൈവത്തിന്റെയും മതത്തിന്റെയും പേരില്‍ വോട്ടു പിടിക്കുന്നത് ചട്ടലംഘനമാണെന്നും പ്രചരണത്തിന് ഉപയോഗിച്ചാല്‍ അത് പെരുമാറ്റച്ചട്ടത്തിന്റെ ലംഘനമായി കണക്കാക്കും അവര്‍ക്കെതിരെ നടപടിയെടുക്കുമെന്നും ചീഫ് ഇലക്ട്രല്‍ ഓഫീസര്‍ അറിയിച്ചു.

സുപ്രിംകോടതി വിധിക്കെതിരെ സംസാരിക്കാന്‍ പാടില്ലെന്നും ഇതുമായി സംബന്ധിച്ച വിശദ വിവരങ്ങള്‍ പിന്നാലെ നല്‍കുമെന്നും ടിക്കാംറാം മീണ വ്യക്തമാക്കി. തിരഞ്ഞെടുപ്പില്‍ മത്സരിക്കുന്ന സ്ഥാനാര്‍ഥികള്‍ തങ്ങള്‍ക്കെതിരെയുള്ള കേസുകളുടെ വിവരം പത്രത്തില്‍ പ്രസിദ്ധീകരിക്കണം. മൂന്ന് തവണ പ്രധാന പത്രങ്ങളില്‍ ഇക്കാര്യങ്ങള്‍ പ്രസിദ്ധീകരിക്കണം.

തിരഞ്ഞെടുപ്പ് തീയതി പ്രഖ്യാപിച്ചത്തോടെ മാതൃകാ പെരുമാറ്റച്ചട്ടം പ്രാബല്യത്തില്‍ വന്നു. പെരുമാറ്റച്ചട്ടം മുഖ്യമന്ത്രിയെയും മന്ത്രിമാരെയും അറിയിച്ചതായും അദ്ദേഹം വ്യക്തമാക്കി. ജനുവരി 30 ഓട് കൂടി അന്തിമ വോട്ടര്‍ പട്ടിക തയാറായി. 2,54, 87, 0,11 വോട്ടര്‍മാരാണ് സംസ്ഥാനത്ത് ആകെയുള്ളത്.


പിന്നോട്ട്
സ്ത്രീകള്‍ക്കുള്ള അഭയകേന്ദ്രം. മാനസികരോഗികള്‍ക്കും മദ്യപാനികള്‍ക്കും ചികിത്സ. അത്താണി, അഭയബാല, ശ്രദ്ധാഭവനം, http://www.abhaya.org/


വായിക്കേണ്ട പുസ്‌തകങ്ങള്‍


ശ്രദ്ധിക്കേണ്ട വെബ്സൈറ്റുകളും ബ്ളോഗുകളും