സൈബര്‍ ആക്രമണം: വി പി സുഹറ പോലീസിൽ പരാതി നല്‍കി

സുന്നി പള്ളികളിൽ സ്ത്രീകളെ പ്രവേശിപ്പിക്കണമെന്ന് ആവശ്യപ്പട്ട് സുപ്രീം കോടതിയെ സമീപിക്കുമെന്ന് പ്രഖ്യാപിച്ചതിനു പിന്നാലെ തനിക്കെതിരെ നടക്കുന്ന സൈബര്‍ ആക്രമണത്തിൽ പ്രോഗ്രസീവ് മുസ്ലിം വിമൻസ് ഫോറം അധ്യക്ഷ വി പി സുഹറ പോലീസിൽ പരാതി നല്‍കി. തനിക്കെതിരെ അപകീര്‍ത്തിപരവും വധഭീഷണി ഉയര്‍ത്തുന്നതുമായ പരാമര്‍ശങ്ങള്‍ സോഷ്യൽ മീഡിയയിൽ ഉയരുന്നു എന്നാണ് സുഹറയുടെ പരാതി. 

ശബരിമല സ്ത്രീപ്രവേശന വിധിയ്ക്ക് പിന്നാലെ സുന്നി പള്ളികളിൽ സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ട് രംഗത്തെത്തിയിരുന്നു. ഈ ആവശ്യങ്ങള്‍ ഉന്നയിച്ച് സുപ്രീം കോടതിയിൽ ഹര്‍ജി നല്‍കുമെന്നായിരുന്നു വി പി സുഹറ പറഞ്ഞത്.