രാജ്യസഭാ ഉപാധ്യക്ഷ സ്ഥാനത്തേക്ക് സംയുക്ത പ്രതിപക്ഷ സ്ഥാനാർഥിയായി എൻസിപിയുടെ വന്ദന ചവാൻ മൽസരിക്കുമെന്ന് റിപ്പോർട്ട്. രാജ്യസഭാ ഉപാധ്യക്ഷ സ്ഥാനത്തേക്കുള്ള തിരഞ്ഞെടുപ്പ് വ്യാഴാഴ്ച നടക്കാനിരിക്കെയാണു സംയുക്ത പ്രതിപക്ഷ സ്ഥാനാർഥിയായി അൻപത്തിയേഴുകാരിയായ വന്ദന ചവാന് എത്തുന്നത്. ബിഹാറിൽനിന്നുള്ള ജെഡിയു എംപി ഹരിവംശ് നാരായൺ സിങ്ങാണ് എൻഡിഎയുടെ സ്ഥാനാർഥി.മഹാരാഷ്ട്രയിലെ പുണെ നഗരത്തിന്റെ മുൻ മേയർ കൂടിയാണ് പ്രതിപക്ഷ സ്ഥാനാർഥിയായ വന്ദന ചവാൻ.l