മകനെ മാവോയിസ്റ്റുകള് ക്രൂരമായി കൊലചെയ്തിട്ടും സാല്ക്കു സോറന് എന്ന ധീരനായ സിപിഐ എം പ്രവര്ത്തകന്റെ അമ്മ ചിതമണി സോറന് തളര്ന്നില്ല. വീണ്ടും ഒരു പഞ്ചായത്ത് തെരഞ്ഞെടുപ്പ് ബംഗാളിലേക്കെത്തുമ്പോള് മകന്റെ ഓര്മ്മകള്ക്കു മുന്നില് ഒട്ടും പതറാതെ തന്നെ ഈ അമ്മ സ്ഥാനാര്ഥികള്ക്കായി ചുമരെഴുതുയാണ്. സിപിഐ എം പ്രവര്ത്തകന് എന്ന ഒറ്റക്കാരണത്താലായിരുന്നു വീട്ടില് നിന്നും തട്ടിക്കൊണ്ടുപോയി മാവോയിസ്റ്റുകള് സാല്ക്കു സോറനെ ക്രൂരമായി കൊലപ്പെടുത്തിയത്. എന്നാല് തന്റെ മകന്റെ രക്തസാക്ഷിത്വം ഈ അമ്മയ്ക്ക് കൂടുതല് കരുത്ത് പകരുക മാത്രമാണ് ചെയ്തിരിക്കുന്നത് ചെങ്കോടിക്കു കീഴില്, തന്റെ പ്രായത്തെപോലും കണക്കാക്കാതെ തെരഞ്ഞെടുപ്പ് പ്രചരണങ്ങളില് സജീവമാകുകയാണവര്. മകന്റെ ചോരകൊണ്ട് ചുവന്ന ചെങ്കൊടിയേന്തി അവര് വീണ്ടും നടന്നുകൊണ്ടിരിക്കുകയാണ്.