ശബരിമല സ്ത്രീ പ്രവേശന കേസ് ഭരണഘടന ബഞ്ചിന് വിട്ട് സുപ്രിം കോടതി ഉത്തരവായി. അഞ്ചഏ ഭരണാഘടനാ ബെഞ്ചാണ് വിജയം പരിഗണിക്കുക.ശബരിമലയില് പ്രായഭേദമില്ലാതെ സ്ത്രീപ്രവേശനം സാധ്യമാണോയെന്ന് പരിശോധിക്കും. ചീഫ് ജസ്റ്റിസ് ദീപക് മിശ്രയുടെ അധ്യക്ഷതയിലുള്ള ബെഞ്ചാണ് വിധി പുറപ്പെടുവിച്ചത്. പത്തിനും അന്പതിനും ഇടയില് പ്രായമുള്ള സ്ത്രീകള്ക്ക് പ്രവേശന വിലക്ക് ഏര്പ്പെടുത്തിയതിലെ ഭരണഘടന പ്രശ്നമാണ് പ്രധാനമായും പരിഗണിക്കുക. ശബരിമല സന്നിധാനത്ത് എല്ലാ പ്രായത്തിലുമുള്ള സ്ത്രീകളെയും പ്രവേശിപ്പിക്കണമെന്ന് ആവശ്യപ്പെട്ട് ഇന്ത്യന് യംങ് ലോയേഴ്സ് അസോസിയേഷന് നല്കിയ ഹര്ജിയിലാണ് ഭരണഘടനാബെഞ്ചിന് വിട്ടത്. കേസില് ദേവസ്വം ബോര്ഡിന്റെയും സംസ്ഥാന സര്ക്കാരിന്റെയും വിവിധ സംഘടനകളുടെയും ഭാഗം കോടതി പരിശോധിച്ചിരുന്നു. സന്നിധാനത്ത് എല്ലാ പ്രായത്തിലുമുള്ള സ്ത്രീകളെയും പ്രവേശിപ്പിക്കണം എന്നതാണ് സംസ്ഥാന സര്ക്കാരിന്റെ നിലപാട്. ശബരിമലയില് എല്ലാ സ്ത്രീകള്ക്കും പ്രവേശനം നല്കാത്തത് ഭരണഘടന ലംഘനമാണെന്ന് കോടതി വാക്കാല് പരാമര്ശം നടത്തുകയും ചെയ്തിരുന്നു. പ്രവേശനത്തെ അനുകൂലിച്ച് 2007 ല് എല്ഡിഎഫ് സര്ക്കാര് സത്യവാങ്മൂലം നല്കിയിരുന്നു. എന്നാല് ഈ സത്യവാങ്മൂലം പരിഗണിക്കരുതെന്നും, സന്നിധാനത്ത് കാലങ്ങളായി തുടരുന്ന ആചാരങ്ങള് ലംഘിക്കാനാകില്ല എന്നും വ്യക്തമാക്കി മുന് യുഡിഎഫ് സര്ക്കാര് പുതിയ സത്യവാങ്മൂലം സമര്പ്പിച്ചു. എന്നാല് പിണറായി വിജയന് സര്ക്കാര് അധികാരത്തിലെത്തിയപ്പോള് 2007 ലെ നിലപാടില് ഉറച്ച് നില്ക്കുന്നതായും, സന്നിധാനത്ത് എല്ലാ വിഭാഗം സ്ത്രീകളെയും പ്രവേശിക്കണമെന്നും കോടതിയെ അറിയിച്ചു.