മതം മാറിയ ഹാദിയയെ കൊല്ലാന് പിതാവിന് അവകാശമുണ്ടെന്ന ആഹ്വാനവുമായി ഹിന്ദുപാര്ലമെന്റ് നേതാവ് സി.പി സുഗതന്. അഖിലയുടെ (ഹാദിയ) പിതാവിന്റെ സ്ഥാനത്ത് താനായിരുന്നെങ്കില് അവളുടെ തട്ടം വലിച്ചൂരി ഉടലും തലയും രണ്ടാക്കി ജയിലില് പോകുമായിരുന്നെന്നും ഇവിടെ ഭരണഘടനയുടെ നീതിയല്ല ധര്മ്മ ശാസ്ത്രങ്ങളാണ് നോക്കേണ്ടതെന്നും സുഗതന് പറയുന്നു. ഫേസ്ബുക്ക് പോസ്റ്റിലൂടെയാണ് ഇയാള് കൊലപാതകത്തിന് ആഹ്വാനം ചെയ്യുന്നത്. ജിഹാദി ഭീകരന്മാരുടെ വെപ്പാട്ടിയാകാന് ഇറങ്ങിത്തിരിച്ചവളാണ് ഹാദിയയെന്നും തന്റെ സംസ്കാരത്തോടും, മാതൃപിതൃത്തതോടും ശത്രുപക്ഷത്തു ചേര്ന്നു യുദ്ധം പ്രഖ്യാപിച്ചിരിക്കുകയാണെന്നും സുഗതന് പറയുന്നു.