പിന്നോക്ക വനിതാ സംരംഭകര്‍ക്കായി സ്റ്റാന്‍ഡ് അപ് ഇന്ത്യ പദ്ധതി

പുതിയ വ്യവസായ സംരംഭകര്‍ക്കായി സ്റ്റാര്‍ട്ട് അപ് ഇന്ത്യ പദ്ധതി നടപ്പാക്കുന്നതിനുതൊട്ടു പിന്നാലെ പിന്നോക്ക വിഭാഗക്കാര്‍ക്കും വനിതകള്‍ക്കുമായി സ്റ്റാന്‍ഡ് അപ് ഇന്ത്യ പദ്ധതി ആരംഭിക്കാന്‍ തീരുമാനിച്ചു. രാജ്യത്തെ 1,25,000 ബാങ്ക് ശാഖയും ഈ പദ്ധതിയില്‍ ഉള്‍പ്പെടുത്തി കുറഞ്ഞത് ഒരു വായ്പയെങ്കിലും ഒരു വനിതാ സംരംഭകയ്ക്കും നല്‍കിയിരിക്കണം. ഏറ്റവും കുറഞ്ഞത് 2,25,000 പേര്‍ക്കെങ്കിലും ഈ വായ്പ ലഭ്യമാകും. ഒരു ലക്ഷം രൂപ മുതല്‍ ഒരു കോടി രൂപവരെ പദ്ധതിയില്‍ വായ്പ ലഭിക്കും. കൂടാതെ ഈ പദ്ധതിയില്‍ ഉള്‍പ്പെടുന്നവര്‍ക്കു റീ ഫിനാന്‍സ് സഹായം ലഭ്യമാക്കാനായി സ്‌മോള്‍ ഇന്‍ഡസ്ട്രീസ് ഡവലപ്‌മെന്‍റ് ബാങ്ക് ഓഫ് ഇന്ത്യ പതിനായിരം കോടി രൂപ വകയിരുത്തിയിട്ടുണ്ട്.