ഹാദിയ കേസ് എന്ഐഎ അന്വേഷിക്കണമെന്ന് സുപ്രീംകോടതി. ഹാദിയയുടെ വാദം കേട്ടതിനു ശേഷം അന്തിമ തീരുമാനമെന്നും കോടതി വ്യക്തമാക്കി. ജസ്റ്റിസ് ആര് വി രവീന്ദ്രന് അന്വേഷണത്തിന് മേല്നോട്ടം വഹിക്കും. കേസില് കേരള പൊലീസ് നടത്തിയ അന്വേഷണത്തിലെ വിവരങ്ങളുടെ അടിസ്ഥാനത്തില് തയ്യാറാക്കുന്ന റിപ്പോര്ട്ട് ദേശീയ അന്വേഷണ ഏജന്സി സമര്പ്പിച്ചു. ഇക്കാര്യത്തിലുള്ള കേന്ദ്രസര്ക്കാരിന്റെ ആവശ്യം അംഗീകരിച്ചാണ് കോടതി ഉത്തരവ്. കേസില് ഗൂഢമായ ഇടപെടല് നടന്നിട്ടുണ്ടോ എന്ന് അന്വേഷിക്കണമെന്ന് കോടതി നിര്ദ്ദേശിച്ചു. മതം മാറിയിതിന്റെ പേരില് വിവാഹം റദ്ദാക്കിയ ഹൈകോടതി വിധിക്കെതിരെ ഹാദിയയുടെ ഭര്ത്താവ് ഷെഫിന് ജെഹാന് നല്കിയ ഹര്ജിയാണ് സുപ്രിംകോടതി പരിഗണിച്ചത്. മെയ് 24നാണ് ഹാദിയയും ഷെഫിനും തമ്മിലുള്ള വിവാഹം ഹൈക്കോടതി റദ്ദാക്കിയത്. ഹിന്ദുവായിരുന്ന അഖില മതം മാറി ഹാദിയ എന്ന പേര് സ്വീകരിക്കുകയും ഷെഫിനെ വിവാഹം കഴിക്കുകയുമായിരുന്നു. മകളെ നിര്ബന്ധിച്ച് മതം മാറ്റിയതാണെന്ന് ആരോപിച്ച് പിതാവ് അശോകന് നല്കിയ ഹര്ജിയിലായിരുന്നു ഹൈക്കോടതി ഉത്തരവ്. മാതാപിതാക്കളുടെ അനുമതി ഇല്ലാത്ത വിവാഹം അംഗീകരിക്കാനാകില്ലെന്ന് ചൂണ്ടിക്കാട്ടിയാണ് ഹൈക്കോടതി വിവാഹം അസാധുവാക്കിയത്.