മായാവതിയെ യുപി രാഷ്ട്രീയത്തില്‍ നിന്ന് പുറത്താക്കാന്‍ ദളിത്- മുസ്ലീം സംഘടനകള്‍ ഒന്നിക്കുന്നു

യു.പി രാഷ്ട്രീയത്തില്‍ നിന്ന് ബി.എസ്.പി അധ്യക്ഷ മായാവതിയെ പുറത്താക്കാന്‍ ദളിത്- മുസ്ലീം സംഘടനകള്‍ ഒന്നിക്കുന്നു. മായാവതിക്കുള്ള ദളിത് വോട്ടുകള്‍ പിടിച്ചെടുക്കാനും ബി.എസ്.പിയില്‍ നിന്നു പുറത്താക്കാനും ലക്ഷ്യമിട്ടുള്ള നീക്കത്തിന്റെ ഭാഗമായി 16 സംഘടനകള്‍ ഇന്നലെ ഡല്‍ഹിയില്‍ യോഗം ചേര്‍ന്നു. ബി.എസ്.പിയില്‍ നിന്നു മായാവതി പുറത്താക്കിയവരും അവരോട് കലഹിച്ച് പാര്‍ട്ടി വിട്ടവരുമാണ് ഈ കൂട്ടായ്മയ്ക്ക് പ്രധാനമായും നേതൃത്വം നല്‍കുന്നത്.കഴിഞ്ഞ മെയില്‍ മായാവതി പാര്‍ട്ടിയില്‍ നിന്നു പുറത്താക്കിയ നസീമുദ്ദീന്‍ സിദ്ദിഖിയാണ് മായാവതിക്കെതിരായ നീക്കത്തിന് പ്രധാനമായും ചുക്കാന്‍ പിടിക്കുന്നത്. ബി.എസ്.പിയുടെ മുന്‍ എം.പി പ്രമോദ് കുരീല്‍ കണ്‍വീനറായി നാഷണല്‍ ബഹുജന്‍ അലയന്‍സ് എന്ന കൂട്ടായ്മയും രൂപീകരിച്ചിട്ടുണ്ട്.