ദിലീപിന് ജാമ്യം നിഷേധിച്ചിച്ച് ഹൈക്കോടതി

മലയാളത്തിലെ പ്രമുഖ നടി ആക്രമിക്കപ്പെട്ട കേസില്‍ നടന്‍ ദിലീപിന് ഹൈക്കോടതി ഇന്ന് ജാമ്യം നിഷേധിച്ചിരിക്കുകയാണ്. നിലവിലെ സാഹചര്യത്തില്‍ ദിലീപിന് ഉടനെയെങ്ങും ജയിലിന് പുറത്തിറങ്ങാനാകില്ലെന്നാണ് നിയമവിദഗ്ധര്‍ ചൂണ്ടിക്കാട്ടുന്നത്. സുപ്രിം കോടതിയെ സമീപിച്ചാലും അന്വേഷണം പൂര്‍ത്തിയാകുന്ന മുറയ്ക്ക് ജാമ്യത്തിനായി കീഴ്‌ക്കോടതിയെ സമീപിക്കാനാകും ഉത്തരവുണ്ടാകുക. റിമാന്‍ഡ് കാലാവധി പൂര്‍ത്തിയാക്കുകയോ അന്വേഷണത്തില്‍ പുരോഗതിയില്ലാതിരിക്കുകയോ ചെയ്താല്‍ മാത്രമേ ഇനി ദിലീപിന് ജാമ്യത്തിന് അപേക്ഷിക്കാന്‍ സാധിക്കൂ. ഇന്നത്തെ വിധിയുടെ പശ്ചാത്തലത്തില്‍ അതുവരെയും ദിലീപ് ജയിലില്‍ കഴിയേണ്ടി വരും.