രാഷ്ട്രപതി സ്ഥാനത്തേക്ക് ദ്രൗപതി മുർമുവിനെ പരിഗണിക്കുന്നതായി റിപ്പോർട്ട്

ബിജെപി  അപ്രതീക്ഷിത വനിതാ മുഖത്തെ രാഷ്ട്രപതി സ്ഥാനത്തേക്ക് പരിഗണിക്കുന്നതായി വാർത്താവൃത്തങ്ങള് സൂചിപ്പിക്കുന്നു.ആദിവാസി വനിതയും ഇപ്പോൾ ഝാർഖണ്ഡ് ഗവർണറുമായ ദ്രൗപതി മുർമുവിന്റെ പേരാണ് പരിഗണിക്കുന്നത്. ഒഡിഷയിൽ നിന്നുള്ള നേതാവാണിവർ. ബിജു ജനതാദളിലും ബിജെപിയിലും പ്രവർത്തിച്ച ഈ ആദിവാസി നേതാവിനെ ഉയർത്തി കൊണ്ടുവരുമ്പോൾ അത് ഒരു വിപ്ലവകരമായ തീരുമാനം തന്നെയാണ്. ആദ്യമായി ഒരു ആദിവാസി വനിതയെ രാഷ്ട്രപതിസ്ഥാനാർത്ഥിയായി ഉയർത്തിക്കാട്ടുന്നതിലൂടെ എല്ലാ രാഷ്ട്രീയ പാർട്ടികളുടെയും പിന്തുണ ആർജ്ജിക്കാമെന്നാണ് ബിജെപിയുടെ കണക്കുകൂട്ടൽ.