അജ്ഞാതനായ വ്യക്തിയോട് ഫോണില് സംസാരിച്ച യുവതിയുടെ മുഖവും ജനനേന്ദ്രിയവും ഭര്ത്താവ് പൊള്ളിച്ചു. യുവതി സംസാരിച്ചത് കാമുകനോടാണെന്ന് സംശയിച്ചിട്ടായിരുന്നു ഇത്. എന്നാല് അതൊരു റോങ് നമ്പര് ആയിരുന്നു. യുവതിയെ ആക്രമിച്ച കേസില് ഭര്ത്താവിനേയും അച്ഛനേയും പോലീസ് കസ്റ്റഡിയില് എടുത്തു. 22 വയസ്സുള്ള ജംക്കുവിനാണ് ഭര്ത്താവിന്റെ ക്രൂര പീഡനം ഏല്ക്കേണ്ടി വന്നത്. കഴിഞ്ഞ ദിവസം ജംക്കുവിന്റെ ഫോണിലേക്ക് ഒരു കോള് വന്നു. ഇയാളോട് യുവതി സംസാരിക്കുന്നത് ഭര്ത്താവും അച്ഛനും കേള്ക്കാന് ഇടയായി.2 വര്ഷമായി ജംക്കുവിന്റേയും ഭങ്കാ ഗമേട്ടിയുടേയും വിവാഹം കഴിഞ്ഞത്. ഭാര്യയെ സംശയമായിരുന്നു ഗമേട്ടിയ്ക്ക്. ജംക്കു സംസാരിച്ചത് കാമുകനോടാണെന്ന് ഗമേട്ടി ആരോപിച്ചു. ഇത് പറഞ്ഞ് യുവതിയെ പൊതിരെ തല്ലി. ഇതിനിടെ ഭര്ത്താവിന്റെ അച്ഛന് ലെഹരി ലാല് ചെന്ന് ചട്ടുകം ചൂടാക്കി വന്നു.ചൂടുള്ള ചട്ടുകം കൊണ്ട് ചുവതിയുടെ മുഖത്തും മാറത്തും, ജനനേന്ദ്രിയത്തിലുമാണ് ഭര്ത്താവ് പൊള്ളലേല്പ്പിച്ചത്.യുവതിയുടെ കയ്യില് നിന്ന് ഫോണ് പിടിച്ചുവാങ്ങി ഭര്ത്താവും സംസാരിച്ചിരുന്നു. എന്നാല് ഇത് റോങ്ക് നമ്പറാണെന്ന് വ്യക്തമായി.ഗാര്ഹികപീഡനത്തിന് ജംക്കുവിന്റെ ഭര്ത്താവിനെതിരെ പോലീസ് കേസെടുത്തു. പൊള്ളലേറ്റ യുവതി ചികിത്സയിലാണ്.